( Cartoon from Google )
ကျောင်းရဲ့ ပထမပတ်ပြီးဆုံးသွားပါပြီ ။ ကျောင်းက မနက် ၈ နာရီ သုံးရက်ဆက်ပါတဲ့ အတွက် ညဥ့်နက်မှအိပ်တဲ့သူအတွက်တော့ တော်တော်လေးအီပါတယ် ။အဲဒီမှာ telecommunication principles က မနက် ၃ ရက်ပါပါတယ် ။ TP အတွက် ၈-နာရီတန်းက ၁ ရက်ထဲပါတာပါ ။ ( tutorial , practical နဲ့ lecture ) ပေါ့ ။ ဒါပေမယ့် သုံးရက်စလုံး နောက်ကျဖြစ်အောင် နောက်ကျပါတယ် ။ ၁၅ မိနစ် - မိနစ် ၂၀ လောက်ကို နောက်ကျပါတယ် ။ ပထမအပတ်မို့ အတန်းတိုင်းက မိတ်ဆက်လောက်ပဲဖြစ်သေးတာမို့ ဆရာက ဘာမှ မပြောပါဘူး ။ " Sorry , Sir " လို့ပြောတာ ကိုယ့်ကိုကိုယ် အသံတိုးမှန်း သိရက်နဲ့ နောက်ရက်တွေ နောက်ကျတော့လည်း အသံက ကျယ်ကျယ်ထွက်မလာပါဘူး ။ ဝင်ဝင် ပြောပြောနဲ့ အလောသုံးဆယ်ထိုင်တာဆိုတော့ " Sorry , Sir " ဆိုတာ ဆရာတောင်ကြားရဲ့လားမသိပါဘူး ။ ဆရာအတန်းကို စကားပြောနေတုန်း ဝင်လာရရင် အကုန်လုံးက အနည်းနဲ့အများတော့ အာရုံပျက်ရပါတယ် ။ သူများတွေ အာရုံမပျက်တောင် အနည်းဆုံးတော့ ဆရာရဲ့ မျက်စိက နောက်ကျပြီးဝင်လာတဲ့သူဆီကို ရောက်သွားတာပါပဲ ။ အဲဒီအတွက်ဆရာ့ကို တော်တော်လေးအားနာမိပါတယ် ။
စလုံးတွေလည်း ထုံးစံအတိုင်း နောက်ကျတဲ့သူတွေက နောက်ကျကြပေမယ့် အရင်အတိုင်း ဘာမှမဖြစ်သလိုပါပဲလေ ။ အဲဒီမှာ တစ်ချို့စလုံးတွေအများဆုံးပြောလေ့ရှိတာက " ငါတို့ ကျောင်းလခပေးလို့ ငါတို့ဆရာကိုငှားထားတာ ။ သူလည်းသူ့အလုပ်သူလုပ်နေတာပဲ ။ ငါတို့လည်း ငါတို့အဆင်ပြေသလို နေသာသလိုကျောင်းတက်မှာပဲ ။ " ဆိုပြီးပြောလေ့ရှိပါတယ် ။
သင်ပေးမယ့်တပည့်ကို ဆရာကမျှော်နေရတယ်ဆိုရင်တော့ လောကကြီးက စပြီး ဟန်ချက်ပျက်လာတာပါပဲ ။ ဆရာစာမသင်မီ အတန်းသားတွေ စောစောကြိုရောက်ပြီး စာစသင်ဖို့ အဆင်သင့်ပြင်ထားတာကလည်း ဆရာနဲ့တပည့်တွေရဲ့ကြားကိုနွေးထွေးစေတဲ့ ကြားခံနယ် ရိုသေလေးစားမှုတစ်ခုပါပဲ ။ အခုတော့ ၁၀ တန်းအောင်ပြီးကတည်းက အဲဒီ အရသာကို ကောင်းကောင်းမခံစားရတာ တော်တော်လေးကြာခဲ့ပါပြီ ။ ဘာပဲဖြစ်ဖြစ် " ညီညာထကြွ ဆုံးမနာယူ" ဆိုတဲ့အတိုင်း သင်ယူဖို့သွားတဲ့ တပည့်ဆိုတာ ဆရာ့ထက်တော့ စောစောကြိုရောက်သင့်တယ်မဟုတ်လား ။
လေရူးလည်း နောက်အပတ် အတန်းမစမီစောစောကြီုရောက်အောင် အိပ်ချိန်ကိုပြင်လိုက်ပါဦးမည် ။ ဒါကတော့ လေရူးရဲ့ week 1 က အတွေးစများဖြစ်ပါသည် ။
လေရူး
( Friday , 5:35 pm )
